8 қазан күні мектеп оқушыларына "Салауатты өмір салты" тақырыбында қалалық емхана мамандарының қатысуымен семинар жүргізілді.

8 қазан күні мектебіміздің педагог қызметкерлерімен "Педагогикалық әдеп қағидалары" атты жиын өтілді.

Осы мерекемен мектебіміздің өнерлі өрендері мен "Жас Ұлан" ұйымы мүшелері, 11сынып оқушылары аяулы ұстаздарымызды құттықтап, мерекелік концерт қойып, қолдан жасалған сыйлықтарын тарту етті.

3 қазан күні барлық жалпы білім беретін мектептерде Республикалық экологиялық сағат өткізілуіне байланысты, біздің мектептің оқушылары мен ұстаздары да "Экосағат" ауқымды акциясына ат салысып, мектеп ауласына ағаш отырғызды.

1 қазан "Қарттар күні" мерекесіне орай, мектебіміздің "Жас Ұлан" ұйымы мүшелері 1-2қазан күндері "Қарттарым- асыл қазынам!" атты мерекелік акция ұйымдастырып, қазыналы қарттарымызды құттықтап шықты.

Ағымдағы жылдың 30 қыркүйек күні №38 орта мектебінде кезекті ата-аналар жиналысы өтті. Жиналыс барысында оқушылардың құқық бұзушылығының алдын-алу, бос уақыттарын тиімді пайдаланып, үйірме жұмыстарына қатыстыру, жоғарғы сынып оқушыларының мамандық таңдауда қателеспеуін және де психологиялық көмек көрсету сияқты мәселелер қаралып, ата-аналардың сұрақтарына әкімшілік тарапынан жауап берілді.

24 қыркүйек күні №38 орта мектебінде өткізілген аймақтық "Алтын сақа" жарысында біздің оқушылар асық ату, шекемтас ойындарынан алға шығып, финалдық ойынға жолдама алды. Сәттілік тілейміз!